ଢେଙ୍କାନାଳ ଜିଲ୍ଲା ଓଡ଼ାପଡ଼ା ବ୍ଲକ ସିମିନଇ ରେ ବିଶ୍ୱ ଶ୍ରମିକ ଦିବସ ପାଳନ

ଆଜି ଢେଙ୍କାନାଳ ଜିଲ୍ଲା ଓଡ଼ାପଡ଼ା ବ୍ଲକ ସିମିନଇ ମୌଜାର ଯାତ୍ରା ପଡିଆ ନିକଟରେ ଓ.ଆଇ.ସି. ଡବ୍ଲୁ.ୟୁ. ର ରାଜ୍ୟ ସଭାପତି କମଳ କୁମାର ମିଶ୍ରଙ୍କ ଦ୍ଵାରା ବିଶ୍ୱ ଶ୍ରମିକ ଦିବସ ପାଳନ କରାଯାଇଛି । ଏହି ଶ୍ରମିକ ଦିବସ ୧୮୮୩ ମସିହା ମେ ୧ ତାରିଖରେ ଆମେରିକାର ଚିକାଗୋ ସହରରେ ସର୍ଵ ପ୍ରଥମେ ପୁଞ୍ଜିବାଦୀ ଦାସତ୍ୱ ନୀତି ବିରୁଦ୍ଧରେ ମୁଣ୍ଡ ଟେକିଥିଲା । ପୁଞ୍ଜିପତି ଯେଉଁମାନେକି ସମାଜରେ ଶ୍ରମିକ ମାନଙ୍କୁ ଦୀନହୀନ ମଜୁରିଆ ବୋଲି ମନେକରି ସମାଜରେ ଜଣେ ଆତ୍ମ ସମ୍ମାନସ୍ପଦ ମଣିଷ ବୋଲି ବଞ୍ଚି ରହିବାର ଅଧିକାରକୁ ଖୁର୍ଣ୍ଣ କରୁଛନ୍ତି । କେବଳ ଗରୀବ ଦିନ ମଜୁରିଆ ବ୍ୟକ୍ତିକୁ ଶ୍ରମିକ ବୁଝାଏ ନାହିଁ ଶ୍ରମିକ ଶବ୍ଦର ଅର୍ଥ ନିଜସ୍ଵ ଶ୍ରମ ବା ପରିଶ୍ରମରେ ଇଟା ବାଲି ବୋହୁଥିବା ବ୍ୟକ୍ତି ଠାରୁ ଆରମ୍ଭ କରି ଶିଳ୍ପା ଅନୁଷ୍ଠାନ ଓ ଅଫିସରେ କାର୍ଯ୍ୟରତ ସମସ୍ତ ଶ୍ରମିକ ବ୍ୟକ୍ତି ଆତ୍ମ ସମ୍ମାନ ପୂର୍ବକ ଜୀବନ ଯାପନ କରିବା ପାଇଁ ଏହି ଦିବସର ମହତ୍ତ୍ୱ ବୋଲି ସଭାପତି କମଳ କୁମାର୍ ମିଶ୍ର ଶ୍ରମିକ ଦିବସରେ ଅଭିଭାଷଣ ଦେଇଥିଲେ । ରାଜ୍ୟ କୋଷାଧ୍ୟକ୍ଷ ସର୍ବେଶ୍ଵର ସେନାପତି ଶ୍ରମିକ ମାନଙ୍କର ଏକତା ଅତ୍ୟନ୍ତ ଜରୁରୀ ବୋଲି ମତ ପ୍ରକାଶ କରିଥିଲେ । ରୋହିତ ଦଳେଇ, କାଳନ୍ଦୀ ସେନାପତି, ଅଶୋକ ଦଳେଇ, କାମାକ୍ଷା ପ୍ରସାଦ ପରିଡା, ରୋହିତ ରାଉତ ଇତ୍ୟାଦି ବହୁ ଶ୍ରମିକ ଯୋଗଦାନ କରିଥିଲେ । ଚଳିତ ବର୍ଷ ପ୍ରଚଣ୍ଡ ରୁଦ୍ରତାପ ଓ ନିର୍ବାଚନ ଆଚରଣ ବିଧି କୁ ଆଖି ଆଗରେ ରଖି ସଭାପତି ନିରାଡମ୍ବର ଭାବରେ ବିଶ୍ୱ ଶ୍ରମିକ ଦିବସ ଆୟୋଜିତ କରାଇଥିଲେ । ପରିଶେଷରେ ଧନ୍ୟବାଦ୍ ଅର୍ପଣ କରି ସଭା ସାଙ୍ଗ କରିଥିଲେ ।