ବିଜୁଳି ସର୍ଟସର୍କିଟ ରୁ ୬ ପରିବାରଙ୍କ ଘର ପୋଡି ପାଉଁଶ।

ଅନୁଗୋଳ ଜିଲ୍ଲା ବଅଁରପାଳ ବ୍ଲକ ଗଡ଼ ବୁଢ଼ାପଙ୍କ ପଞ୍ଚାୟତ ର ତେନ୍ତୁଳିହତା ଗ୍ରାମରେ ବିଜୁଳି ସର୍ଟସର୍କିଟ ଯୋଗୁଁ ୬ ପରିବାରଙ୍କ ଘର ପୋଡି ପାଉଁଶ । ଗ୍ରାମ ର କ୍ଷୟକ୍ଷତି ଘଟିଥିବା ପରିବାର ଗୁଡିକ ହେଲେ ଧୀରେନ୍ ନାଏକ, ଚରଣ ନାଏକ, ପ୍ରଦୀପ ନାଏକ, ଅନୀ ନାଏକ, ପିଣ୍ଟୁ ନାଏକ, ଦୀପୁ ନାଏକ । ଗ୍ରାମବାସୀଙ୍କ ସୂଚନା ମୁତାବକ ଦ୍ୱିପହର ତିନି ଘଟିକା ସମୟରେ ଧୀରେନ ନାଏକଙ୍କ ଘର ପାଖରେ ଥିବା ବିଜୁଳି ତାର ରୁ ସର୍ଟସର୍କିଟ ହୋଇ ଘରେ ନିଆଁ ଲାଗି ଥିଲା। ନିଆଁ ଲିଭାଇବା ପାଇଁ ଗ୍ରାମବାସୀ ଉଦ୍ୟମ ଜାରି ରଖିବା ସହ ବଅଁରପାଳ ଦମକଳବାହିନୀ ଙ୍କୁ ସୂଚନା ଦେଇଥିଲେ। ଘଟଣାସ୍ଥଳରେ ଦମକଳବାହିନୀ ପହଞ୍ଚି ୪ ପରିବାରଙ୍କ ଘର ନିଆଁ ଲିଭାଇବା ଉଦ୍ୟମ କରୁଥିବା ବେଳେ ସାହି ର ଆଉ ଦୁଇ ପରିବାରଙ୍କ ଘର ନିଆଁ ଲାଗିବା ଆରମ୍ଭ ହୋଇଥିଲା। ଗ୍ରାମରେ ଏହିପରି ଅଗ୍ନିକାଣ୍ଡ ଦେଖି ଭୟାବହ ବାତାବରଣ ଖେଳିଯାଇଛି। ତେବେ ଦମକଳବାହିନୀଙ୍କ ଉଦ୍ୟମ ଯୋଗୁ ଗ୍ରାମରେ ବଡ ଧରଣର ଅଘଟଣରୁ ରକ୍ଷା ପାଇଯାଇଥିବା ସୂଚନା ଦେଇଛନ୍ତି ଗ୍ରାମବାସୀ।