ଆଠମଲ୍ଲିକ ଓକିଲସଂଘ ର ନୂତନ କର୍ମକର୍ତ୍ତା ନିର୍ବାଚିତ

ଆଠମଲ୍ଲିକ:- ୩0/୩- ଓଡିଶା ରାଜ୍ୟ ଆଇନଜୀବୀ ପରିଷଦର ପ୍ରତ୍ୟକ୍ଷ ତତ୍ତ୍ୱlବଧାନ ରେ ପରିଚାଳିତ ହୋଇଥିବା ଓକିଲସଂଘ ନିର୍ବାଚନ ଶନିବାର ଅନୁଷ୍ଠିତ ହୋଇଯାଇଛି l ଆଠମଲ୍ଲିକ ଓକିଲସଂଘ ର ନିର୍ବାଚନ ରେ ସଭାପତି ଭାବେ ଲଗାତାର 4 ଥର ପାଇଁ ସୁଶାନ୍ତ କୁମାର ମହାପାତ୍ର ସଭାପତି ଭାବେ ନିର୍ଦ୍ବନ୍ଦ ରେ ନିର୍ବାଚିତ ହୋଇଥିବା ବେଳେ ଉପସଭାପତି ଭାବେ ଉଗ୍ରସେନ ସେଠି, ସମ୍ପାଦକ ଭାବେ ଜିତେନ୍ଦ୍ର କୁମାର ମୁଖି, ସହ ସମ୍ପାଦକ ଭାବେ ଆର୍ଯ୍ୟଭଟ ମହାନନ୍ଦିଆ ଓ କୋଷାଧକ୍ଷ ତଥା ଲାଇବ୍ରେରୀଆନ ଭାବେ ବିଶ୍ୱସୁନ୍ଦର ଶତପଥି ମଧ୍ୟ ନିର୍ଦ୍ବନ୍ଦ ରେ ନିର୍ବାଚିତ ହୋଇଥିବା ଜଣାଯାଇଛି l ଗତ ୧୧ ଓ ୧୨ ତାରିଖ ରେ ପ୍ରାଥୀପତ୍ର ଦାଖଲ ଧାର୍ଯ୍ୟ ସମୟ ଥିବାବେଳେ ସଭାପତି, ଉପସଭାପତି, ସମ୍ପାଦକ, ସହ ସମ୍ପାଦକ, କୋଷାଧକ୍ଷ ତଥା ଲାଇବ୍ରେରୀଆନ ପଦବୀ ପାଇଁ ଜଣେ ଜଣେ ପ୍ରାଥୀ ପ୍ରାଥୀପତ୍ର ଦାଖଲ କରିଥିଲେ l ନିର୍ବାଚନ ଅଧିକାରୀ ଭାବେ ବରିଷ୍ଠ ଆଇନଜୀବୀ ବାମନ କୁମାର ମିଶ୍ର ନିର୍ବାଚନ କୁ ପରିଚାଳନା କରିଥିଲେ l ଓକିଲସଂଘ ର ସଭ୍ୟମାନେ ନବ ନିର୍ବାଚିତ କର୍ମକର୍ତ୍ତା ଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ l ନିର୍ଦ୍ବନ୍ଦ ରେ ନିର୍ବାଚିତ ହୋଇଥିବାରୁ ଓକିଲସଂଘ ର ସମସ୍ତ ସଦସ୍ୟ ଙ୍କୁ ଶ୍ରୀ ମହାପାତ୍ର ହାର୍ଦ୍ଧିକ କୃତଜ୍ଞତା ଜ୍ଞାପନ କରିବାସହ ସେମାନଙ୍କ ସୁଖଦୁଃଖ ର ସାଥିହୋଇ ରହିବି ବୋଲି ମତ ପ୍ରକାଶ କରିଛନ୍ତି l